இந்திய கம்யூனிஸ்ட் கட்சியின் மூத்த தலைவர் பிறந்தநாளை முன்னிட்டு முதல்வர் முக ஸ்டாலின் நேரில் வாழ்த்து கூறினார்.
இந்திய கம்யூனிஸ்ட் கட்சியின் மூத்த தலைவர் ஆர்.நல்லகண்ணு, தன்னுடைய 97வது பிறந்த நாளை இன்று கொண்டாடி வருகிறார். இவருக்கு பல அரசியல் தலைவர்கள், பொதுமக்கள், பிரபலங்கள் என்று அனைவரும் வாழ்த்துக்களை தெரிவித்து வருகின்றனர். இவரின் பிறந்தநாளையொட்டி சென்னை தி நகரில் உள்ள கட்சி அலுவலகத்தில் அவருக்கு முதல்வர் முக ஸ்டாலின் நேரில் சென்று சால்வை அணிவித்து வாழ்த்து தெரிவித்தார்.
அப்போது, அமைச்சர் துரைமுருகன் கம்யூனிஸ்ட் மாநிலச் செயலாளர் முத்தரசன் ஆகியோர் உடனிருந்தனர். இதுதொடர்பாக முதல்வர் ஸ்டாலின் வெளியிட்டுள்ள டுவிட்டரில் “பொதுவாழ்வில் தூய்மை, எளிமை ஆகியவற்றுக்கான குறிச்சொல்லாக மாறிவிட்ட மாபெரும், பொதுவுடைமைப் போராளி தோழர் நல்லக்கண்ணு அவர்களின் 97-ஆவது பிறந்தநாளில் அவரை நேரில் சந்தித்து வாழ்த்தி வணங்கினேன். இன்னும் பல்லாண்டுகள் தம் சிந்தனைக்கொடையால் நம் தமிழ்ச்சமூகத்தை அவர் செறிவூட்டட்டும்” என்று தெரிவித்துள்ளார்.