நடிகர் சூர்யா நடிப்பில் எதற்கும் துணிந்தவன் படத்தின் இரண்டாவது பாடல் நாளை வெளியாக உள்ளதாக சன் பிக்சர் நிறுவனம் தெரிவித்துள்ளது .
நடிகர் சூர்யா நடிப்பில் பாண்டிராஜ் இயக்கத்தில் உருவாகியுள்ள படம் எதற்கும் துணிந்தவன். கிராமத்து கதை களத்தை மையமாக கொண்டு உருவாக்கப்பட்டுள்ள இந்த படத்தை சன் நிறுவனம் தயாரித்துள்ளது. சூர்யாவுக்கு ஜோடியாக பிரியங்கா அருள் மோகன் நடித்துள்ளார். மேலும் சத்யராஜ், ராதிகா, சரண்யா பொன்வண்ணன், தேவதர்ஷினி உள்ளிட்ட பலரும் முக்கிய கதாபாத்திரத்தில் நடித்துள்ளனர் .
பொள்ளாச்சி பெண்கள் பாலியல் வன்கொடுமை சம்பவத்தை அடிப்படையாக கொண்டு இந்த படம் உருவாகி வருகின்றது. இப்படத்தின் பர்ஸ்ட் லுக் போஸ்டர்கள் மட்டும் வெளியிடப்பட்டிருந்தது. இதை தொடர்ந்து இப்படத்தின் வாடா தம்பி என்ற முதல் பாடல் வெளியாகி நல்ல வரவேற்பை வைத்திருந்த நிலையில், நாளை மாலை 6 மணிக்கு இரண்டாவது பாடல் வெளியாகும் என்று அறிவிக்கப்பட்டுள்ளது.