உலக நாடு முழுவதும் கடந்த ஆண்டு கொரோனா பரவல் காரணமாக ஊரடங்கு அமலில் இருந்தது. அதன் பிறகு கொரோனா பரவல் குறைந்து வந்த நிலையில் ஊரடங்கு தளர்வுகள் அறிவிக்கப்பட்டது. இந்நிலையில் தென்னாப்பிரிக்காவில் கொரோனா வைரஸ் ஒமைக்ரான் என்ற புதிய வைரசாக உருமாறி உலக நாடுகளை அதிர வைத்துள்ளது. அதன்படி இந்தியாவில் ஒமைக்ரான் தொற்று வேகமாக பரவி வருகிறது.
இதனால் அனைத்து மாநிலங்களிலும் பாதுகாப்பு முன்னெச்சரிக்கை நடவடிக்கைகள் மேற்கொள்ளப்பட்டு வருகிறது. அதன்படி பல மாநிலங்களில் இரவு ஊரடங்கு அமல்படுத்தப்பட்டு உள்ளது. இதையடுத்து மத்திய குழு கொரோனா பரவல் அதிகமாக உள்ள 10 மாநிலங்களில் ஆய்வு செய்து வருகிறது. இந்நிலையில் ஒமைக்ரான் பரவலை கட்டுபடுத்த தமிழகம் வந்துள்ள மத்திய குழு, 5 நாட்கள் தங்கியிருந்து சுகாதாரத் துறையின் பல்வேறு பணிகளை கண்காணித்து அரசுக்கு ஆலோசனை வழங்க ஏற்பாடு செய்யப்பட்டுள்ளது.