தற்போது மாவட்ட கூடைப்பந்து அணிக்கு வீராங்கனை மற்றும் வீரர்கள் தேர்வு செய்யப்பட்டுள்ளனர்.
கடலூர் மாவட்டத்தில் கூடைப்பந்து கழகம் சார்பாக மாவட்ட கூடைப்பந்து அணிக்கு வீராங்கனை மற்றும் விரர்கள் தேர்வு தற்போது அண்ணா விளையாட்டு மைதானத்தில் நடைபெற்றுள்ளது. இதில் இம்மாவட்ட செயலாளர் விஜயசுந்தரம் தலைமை தாங்கியுள்ளார். அதன்பின் மாவட்ட தலைவர் அருளானந்தம், மூத்த துணைச் செயலாளர் இளங்கோவன், நடராஜன் மற்றும் துணைச் செயலாளர் அருள் செல்வராஜ் ஆகியோர் முன்னிலை வகித்துள்ளனர்.
இதனை அடுத்து இம்மாவட்டம் உள்பட 3 மாவட்டத்தின் பல பகுதிகளில் இருந்து 100 வீராங்கனை மற்றும் வீரர்கள் வந்துள்ளனர். பின்னர் அவர்களை அணியாக பிரித்து போட்டிகள் நடத்தப்பட்டுள்ளது. இதில் சிறந்த வீரர் மற்றும் வீராங்கனைகள் தேர்வு செய்யப்பட்டு இருக்கின்றனர்.
இவற்றில் ஆண்கள் அணிக்கு 15 பேரும் மற்றும் பெண்கள் அணிக்கு 15 பேரும் தேர்வு செய்யப்படுகின்றனர். இதனைத் தொடர்ந்து இவர்கள் மண்டல அளவிலான போட்டிகளில் கலந்து கொண்டு விளையாட இருக்கின்றனர். மேலும் இதில் பயிற்சியாளர்கள் ராம் பிரசாத் உள்பட பலர் கலந்து கொண்டுள்ளனர்.