இந்தியா – தென்ஆப்பிரிக்கா அணிகளுக்கு இடையிலான முதல் டெஸ்ட் போட்டியில் தென் ஆப்பிரிக்கா அணி வெற்றி பெற இந்தியா 305 ரன்கள் இலக்காக நிர்ணயித்துள்ளது.
இந்தியா – தென்ஆப்பிரிக்கா அணிகளுக்கு இடையிலான 3 போட்டிகள் கொண்ட டெஸ்ட் தொடர் நடைபெற்று வருகிறது. இதில் இரு அணிகளுக்கு இடையேயான முதல் டெஸ்ட் போட்டி செஞ்சூரியனில் நடைபெற்று வருகிறது . இதில் டாஸ் வென்று முதலில் களமிறங்கிய இந்திய அணி முதல் இன்னிங்ஸில் அனைத்து விக்கெட் இழப்புக்கு 327 ரன்கள் எடுத்தது .இதன் பிறகு தென் ஆப்பிரிக்க அணி தனது முதல் இன்னிங்ஸை தொடங்கியது. ஆனால் இந்திய அணியின் பந்து வீச்சை எதிர்கொள்ள முடியாமல் 62.3 ஓவரில் தென்னாப்பிரிக்கா அணி அனைத்து விக்கெட் இழப்புக்கு 197 ரன்னில் சுருண்டது.
இதனால் 130 ரன்கள் முன்னிலையில் இந்திய அணி தனது 2-வது இன்னிங்ஸை தொடங்கியது. இதில் தென் ஆப்பிரிக்காவின் பந்து வீச்சை எதிர்கொள்ள முடியாமல் இந்திய வீரர்கள் அடுத்தடுத்து விக்கெட்டை பறிகொடுத்தனர். இறுதியாக இந்திய அணி 2-வது இன்னிங்ஸில் 62.3 ஓவரில் 174 ரன்னில் ஆல் அவுட் ஆனது .இதனால் தென்னாப்பிரிக்க அணியை விட 304 ரன்கள் முன்னிலையில் உள்ளது .இதன் பிறகு 305 ரன்கள் எடுத்தால் வெற்றி என்ற இலக்குடன் தென்ஆப்பிரிக்கா அணி 2-வது இன்னிங்ஸை விளையாடி வருகிறது.