8-வது புரோ கபடி லீக் போட்டியில் நேற்று நடந்த தபாங் டெல்லி -பெங்கால் வாரியர்ஸ் மோதிய ஆட்டத்தில் டெல்லி அணி வெற்றி பெற்றது.
12-அணிகள் பங்கேற்கும் 8-வது புரோ கபடி லீக் போட்டி பெங்களூரில் நடைபெற்று வருகிறது. இதில் லீக் சுற்று முடிவில் முதல் 6 இடங்களை பிடிக்கும் அணிகள் ‘பிளே ஆப் ‘சுற்றுக்கு முன்னேறும். இந்த நிலையில் நேற்றிரவு 7.30 மணிக்கு நடந்த முதல் ஆட்டத்தில் தபாங் டெல்லி -பெங்கால் வாரியர்ஸ் அணிகள் மோதின .
இதில் 52 – 35 என்ற புள்ளி கணக்கில் தபாங் டெல்லி அணி வெற்றி பெற்றது. இந்த வெற்றியின் மூலம் தபாங் டெல்லி அணி ஹாட்ரிக் வெற்றியை பதிவு செய்து புள்ளி பட்டியலில் முதலிடத்தை பிடித்துள்ளது.இதையடுத்து நடந்த மற்றொரு ஆட்டத்தில் யுபி யோதா – குஜராத் ஜெயண்ட்ஸ் அணிகள் மோதிய போட்டி சமனில் முடிந்தது.