சென்னையில் இன்று திடீரென்று கன மழை கொட்டி தீர்த்தது. இதனால் சென்னை மாநகரம் முழுவதும் மழை நீரில் தத்தளித்து வருகிறது. இதனால் போக்குவரத்து நெரிசல் ஏற்பட்டுள்ளது. மேலும் அடுத்த 5 நாட்களுக்கு கனமழை நீடிக்கும் என்று வானிலை ஆய்வு மையம் எச்சரிக்கை விடுத்துள்ளது. இந்த நிலையில் சென்னை உட்பட நான்கு மாவட்டங்களுக்கு ரெட் அலெர்ட் எச்சரிக்கை விடுக்கப்பட்டுள்ளது.
இந்த நிலையில் சென்னை, திருவள்ளூர், காஞ்சிபுரம், செங்கல்பட்டு மாவட்டத்தில் பெய்த கனமழை காரணமாக பல்வேறு இடங்களில் தண்ணீர் பெருக்கெடுத்து ஓடுவதால் இன்று 4 மாவட்டங்களில் அத்தியாவசிய பணிகள் தவிர்த்து அனைத்து அரசு அலுவலகங்கள், பள்ளி கல்லூரிகளுக்கு விடுமுறை அளித்து முதல்வர் ஸ்டாலின் உத்தரவு பிறப்பித்துள்ளார்.