பிக் பாஷ் டி20 லீக் தொடரில் 2 அணிகளைச் சேர்ந்த 11 வீரர்களுக்கு கொரோனா தொற்று பாதிப்பு உறுதியாகியுள்ளது .
பிக் பாஷ் டி20 லீக் போட்டி ஆஸ்திரேலியாவில் நடைபெற்று வருகிறது. இதில் மொத்தம் 8 அணிகள் பங்கு பெற்றுள்ளன .இப்போட்டி கடந்த 5-ம் தேதி முதல் தொடங்கி நடைபெற்று வருகிறது. தற்போது ஒமைக்கரான் கொரோனா வைரஸ் அச்சுறுத்தல் காரணமாக போட்டியில் பங்குபெறும் வீரர்கள் அனைவரும் பாதுகாப்பு வளையத்திற்குள் இருந்த வண்ணம் விளையாடி வந்தனர். இந்நிலையில் சிட்னி தண்டர் அணியில் 4 வீரர்களுக்கும், மெல்போர்ன் ஸ்டார்ஸ அணியில் 7 வீரர்களுக்கும் கொரோனா தொற்று பாதிப்பு உறுதியானது.
அதேபோல் சப்போர்ட் ஸ்டாஃப் 8 பேருக்கு கொரோனா தொற்று பாதிப்பு ஏற்பட்டது .இதனால் நேற்று நடைபெற இருந்த பெர்த் ஸ்கார்சர்ஸ்- மெல்போர்ன் ஸ்டார்ஸ் அணிகளுக்கிடையேயான போட்டி ஒத்திவைக்கப்பட்டது. இந்நிலையில் இன்று ஸ்டிரைக்கர்ஸ்- சிட்னி தண்டர்ஸ் அணிகளுக்கிடையேயான போட்டி நடைபெற உள்ளது. இந்நிலையில் சிட்னி தண்டர்ஸ் அணியில் 4 வீரர்களுக்கு கொரோனா தொற்று பாதிப்பு ஏற்பட்டுள்ளதால் இன்றைய போட்டி நடைபெறுமா என்பது குறித்து உறுதி செய்யப்படவில்லை. இதனால் போட்டி தொடர்ந்து நடைபெறுவதில் சிக்கல் ஏற்பட்டுள்ளது