மூதாட்டியிடம் ரூ.5 ஆயிரம் பறித்த 2 வாலிபர்களை காவல்துறையினர் வலைவீசி தேடி வருகின்றனர்.
திருப்பூர் மாவட்டத்தில் உள்ள பெருமாநல்லூர் பகுதியில் சுப்புலட்சுமி என்பவர் வசித்து வருகிறார். இவர் வீட்டில் தனியாக இருந்த இருந்து கொண்டிருந்தார். அப்போது வீட்டிற்கு வந்த 2 வாலிபர்கள் சுப்புலட்சுமியிடம் குடிக்க தண்ணீர் கேட்டுள்ளனர். இதனால் மூதாட்டி தண்ணீர் எடுக்க வீட்டிற்குள் சென்றுள்ளார். அப்போது அந்த 2 வாலிபர்களும் வீட்டிற்குள் நுழைந்து மூதாட்டியை கத்தியால் அவரது கையில் குத்தினர். இதனையடுத்து இருவரில் ஒருவன் வீட்டிலிருந்த ரூ.5 ஆயிரத்தை எடுத்துக்கொண்டு மூதாட்டியின் காதிலுள்ள கம்மலை பறிக்க முயன்றுள்ளார்.
ஆனால் மூதாட்டி சத்தம் போட்டதும் இருவரும் அங்கிருந்து தப்பி சென்றுள்ளனர். அந்த சத்தம் கேட்டு அக்கம்பக்கத்தினர் ஓடிவந்து பார்த்தபோது சுப்புலட்சுமி கத்திக் குத்து காயங்களுடன் இருந்துள்ளார். இதனையடுத்து அக்கம்பக்கத்தினர் சுப்புலட்சுமியை உடனடியாக மீட்டு திருப்பூர் அரசு மருத்துவமனையில் சிகிச்சைக்காக அனுமதித்தனர். மேலும் இது குறித்து வழக்குப்பதிவு செய்த காவல்துறையினர் 2 வாலிபர்களை வலைவீசி தேடி வருகின்றனர்.