கஞ்சா விற்பனையில் ஈடுபட்ட 3 நபர்களை காவல்துறையினர் கைது செய்துள்ளனர்.
கள்ளக்குறிச்சி மாவட்டத்தில் உள்ள புறவழிச்சாலை மேம்பாலத்திற்கு கீழ் சந்தேகப்படும்படி நின்று கொண்டிருந்த 4 வாலிபர்களை காவல்துறையினர் பிடிக்க முயன்றுள்ளனர். அப்போது அதில் ஒருவர் தப்பி ஓடி விட்டார். அதன்பின் மீதமிருக்கும் 3 பேரை காவல்துறையினர் பிடித்து விசாரணை செய்ததில் அவர்கள் கஞ்சா வைத்திருந்தது காவல்துறையினருக்கு தெரியவந்துள்ளது.
இதனை அடுத்து அவர்களை தொடர்ந்து விசாரணை செய்ததில் அவர்கள் ரமேஷ் சதிஷ்குமார் மற்றும் 18 வயது சிறுவன் என்பது தெரியவந்துள்ளது. பின்னர் தப்பி ஓடியவர் சின்னமணி என்பதும், அவர் கஞ்சா விற்பனை செய்ய முயன்றதும் காவல்துறையினருக்கு தெரியவந்துள்ளது. இதனைத் தொடர்ந்து மூன்று பேரையும் காவல்துறையினர் கைது செய்துள்ளனர்.
மேலும் இது குறித்து வழக்குப்பதிவு செய்த காவல்துறையினர் அவரிடம் இருந்த இருசக்கர வாகனம் மற்றும் 100 கிராம் கஞ்சாவை பறிமுதல் செய்துள்ளனர். இதில் தப்பி ஓடிய சின்னமணியை காவல்துறையினர் வலைவீசி தேடி வருகின்றனர்.