நெற்பயிர்களுக்குள் கிடந்த மலைப்பாம்பை தீயணைப்பு வீரர்கள் பத்திரமாக பிடித்துவிட்டனர்.
திண்டுக்கல் மாவட்டத்தில் உள்ள சேத்தூர் அய்யாபட்டி பகுதியில் பழனியாண்டி என்பவர் வசித்து வருகிறார். இவர் தனக்கு சொந்தமான வயலில் நெல் பயிரிட்டுள்ளார். இந்நிலையில் பயிர்களுக்கு இடையே மலைப்பாம்பு ஒன்று கிடந்ததை பார்த்து அதிர்ச்சி அடைந்த பழனியாண்டி உடனடியாக தீயணைப்பு துறையினருக்கு தகவல் தெரிவித்துள்ளார்.
அந்த தகவலின்படி சம்பவ இடத்திற்கு விரைந்து சென்ற தீயணைப்பு வீரர்கள் சுமார் 8 அடி நீளமுள்ள மலைப்பாம்பை பிடித்துவிட்டனர். அதன்பிறகு வனத்துறையினரிடம் ஒப்படைக்கப்பட்ட மலைப்பாம்பு அடர்ந்த வனப்பகுதிக்குள் விடப்பட்டுள்ளது.