இந்தியாவில் வர்த்தக பயன்பாட்டிற்காக சிலிண்டர்களின் விலை குறைக்கப்பட்டாலும் வீட்டு உபயோகத்துக்கான 14.2 கிலோ எடை கொண்ட சமையல் சிலிண்டர் விலை எந்த வித மாற்றமும் செய்யப்படவில்லை. இருப்பினும் சிலிண்டரின் விலை ரூ.1000 விற்பனை செய்யப்படுவதால் இல்லத்தரசிகள் பெரும் சிரமத்தை சந்திக்கின்றனர். இந்நிலையில் வெறும் ரூ.645 காம்போசிட் சிலிண்டர் விற்பனை செய்யப்படுகிறது. ஆனால் இந்த சிலிண்டர் 10 கிலோ மட்டுமே எடைகொண்டது. சென்னையில் 10 கிலோ எடை கொண்ட காம்போசிட் சிலிண்டர் விலை ரூ.645 விற்பனை செய்யப்படுகிறது.
ஆனால் மற்ற மாநிலங்களில் இதன் விலை குறைவாகவே உள்ளது. அதுமட்டுமில்லாமல் 5 கிலோ எடை கொண்ட காம்போசிட் சிலிண்டர் ரூ.502 விற்பனை செய்யப்படுகிறது. இந்த இரண்டு வகை சிலிண்டர்களுக்கும் முன்பணம் செலுத்த வேண்டும். 5 கிலோ சிலிண்டருக்கு ரூ.2,150 மற்றும் 10 கிலோ சிலிண்டருக்கு ரூ.3,350 முன்பணம் செலுத்த வேண்டும். 10 கிலோ சிலிண்டர் கேஸ் நிரப்பிய பிறகும் அதன் மொத்த எடை 10 கிலோவாகவே இருக்கும். இந்த காம்போசிட் சிலிண்டர்களில் எவ்வளவு கேஸ் இருக்கிறது என்பதை நம்மால் பார்க்க முடியும். அதன் அளவு என்ன என்பதை தெரிந்து கொள்ளலாம்.