ஸ்டவ் வெடித்து சிதறியதால் இளம்பெண் உயிரிழந்த சம்பவம் சோகத்தை ஏற்படுத்தியுள்ளது.
சென்னை மாவட்டத்தில் உள்ள கொளத்தூர் பகுதியில் மணி என்பவர் வசித்து வருகிறார். இவருக்கு சந்தியா என்ற மகள் இருந்துள்ளார். இவர் சென்னையில் இருக்கும் கல்லூரியில் 2-ஆம் ஆண்டு படித்து வந்துள்ளார். இந்நிலையில் சமையல் செய்வதற்காக வீட்டில் இருந்த மண்ணெண்ணை பம்ப் ஸ்டவ் அடுப்பை சந்தியா பற்ற வைத்துள்ளார். அப்போது திடீரென ஸ்டவ் வெடித்து சிதறியதால் அதிலிருந்த மண்ணெண்ணெய் சந்தியா மீது பட்டு தீப்பிடித்து எரிய ஆரம்பித்துள்ளது.
இதனால் சந்தியா அலறி சத்தம் போட்டுள்ளார். அந்த சத்தத்தை கேட்டு அருகில் உள்ளவர்கள் விரைந்து சென்று சந்தியாவை மீட்டு மருத்துவமனையில் சிகிச்சைக்காக அனுமதித்துள்ளனர். ஆனால் அங்கு அளிக்கப்பட்ட சிகிச்சை பலனின்றி சந்தியா பரிதாபமாக உயிரிழந்துவிட்டார். இதுகுறித்து வழக்குப்பதிவு செய்த காவல்துறையினர் தீவிர விசாரணை மேற்கொண்டு வருகின்றனர்.