8-வது புரோ கபடி லீக் போட்டியில் இன்று இரவு நடைபெறும் ஆட்டத்தில் புனேரி பல்தான் – குஜராத் லயன்ஸ் அணிகள் மோதுகின்றன.
12 அணிகள் பங்குபெறும் 8-வது புரோ கபடி லீக் போட்டி பெங்களூரில் விறுவிறுப்பாக நடைபெற்று வருகிறது. இதில் இன்று இரவு நடைபெறும் 34-வது லீக் ஆட்டத்தில் புனேரி பல்தான் – குஜராத் லயன்ஸ் அணிகள் பலப்பரீட்சை நடத்துகின்றன. இதில் புள்ளி பட்டியலில் 7-வது இடத்தில் உள்ள குஜராத் அணி , கடைசி இடத்தில் உள்ள புனேரி அணியுடன் மோதுகிறது.இதில் கடந்த போட்டியில் அணியின் நட்சத்திர வீரரான ராகுல் சவுத்ரி களமிறங்கவில்லை.
இதனால் இப்போட்டியில் அவர் பங்கேற்பார் எனத் தெரிகின்றது.இதில் கடைசியாக ஹரியானா அணிக்கு எதிரான ஆட்டத்தில் தோல்வியடைந்த குஜராத் இந்த போட்டியில் வெற்றி பெறும் முனைப்புடன் களமிறங்கும். இதுவரை இந்த இரண்டு அணிகளும் நேருக்கு நேர் மோதிய ஆட்டங்களில் குஜராத் அணி 6 முறையும், புனேரி பல்தான் 2 முறையும் வெற்றி பெற்றுள்ளது. இதனால் இன்றைய போட்டியில் குஜராத் அணிக்கு வெற்றி வாய்ப்பு அதிகம் காணப்படுகிறது.