தமிழகத்தில் இந்த வருடத்தின் முதல் சட்டசபை கூட்டத்தொடர் நேற்று தொடங்கியது. அதில் ஆளுநர் ஆர்.என்.ரவி உரையாற்றினார். அதில் பல்வேறு முக்கிய அம்சங்கள் இடம் பெற்றன. அதற்கு நன்றி தெரிவிக்கும் வகையில் இன்று காலை 10 மணிக்கு சென்னை கலைவாணர் அரங்கில் சட்டசபை கூட்டம் மீண்டும் தொடங்குகிறது.
அப்போது முப்படை தலைமை தளபதி பிபின் ராவத், முன்னாள் தமிழக ஆளுநர் ரோசய்யா, கன்னட நடிகர் புனித் ராஜ்குமார் உள்ளிட்டோரின் மறைவுக்கு சட்டப்பேரவையில் இன்று இரங்கல் தெரிவிக்கப்படும். கடலூர், சிவகாசி, காஞ்சிபுரம், கரூர், தாம்பரம், கும்பகோணம் போன்ற 6 புதிய மாநகராட்சிகளுக்கான சட்ட முன் வடிவுகள் இன்று அறிமுகம் செய்யப்படும். தமிழ்நாடு நகர் ஊரமைப்பு திருத்த சட்ட முன்வடிவு இன்று அறிமுகம் செய்யப்படும் என்று தகவல் வெளியாகியுள்ளது.