திரையுலக பிரபலங்கள் அதிக அளவில் கொரோனாவால் பாதிக்கப்படுவது பிரபலங்கள் மத்தியில் அதிர்ச்சியை ஏற்படுத்தியுள்ளது.
கொரோனாவால் பாதிக்கப்படும் திரையுலகினரின் எண்ணிக்கை நாளுக்கு நாள் அதிகரித்துக் கொண்டே வருகிறது. இந்நிலையில் சமீபத்தில் தனக்கு கொரோனா இருப்பதாக தெலுங்கு நடிகர் மகேஷ்பாபு டுவிட்டரில் அறிவித்திருந்தார். இதனை தொடர்ந்து இசையமைப்பாளர் தமன் நீங்கள் விரைவில் குணமடைந்து வர பிரார்த்திக்கிறோம் என ஆறுதல் கூறி கமெண்ட் போட்டிருந்தார். ஆனால் இப்போது இசையமைப்பாளர் தமனும் கொரோனாவால் பாதிக்கப்பட்டுள்ளார் எனக் கூறப்படுகிறது.
ஏற்கனவே அருண் விஜய், சுஹைல் சந்தோக் ஆகியோருக்கும் கொரோனா பாதிப்பு ஏற்பட்டு வீட்டிலேயே தங்களை தனிமைப்படுத்திக் கொண்டிருக்கிறார்கள். நடிகை மீனா மற்றும் அவரின் குடும்பத்தாருக்கும் கொரோனா வைரஸ் பாதிப்பு ஏற்பட்டுள்ளது.பிரபல தெலுங்கு நடிகையான லக்ஷ்மி மஞ்சுவுக்கும் கொரோனா பாதிப்பு ஏற்பட்டுள்ளது. தென்னிந்திய பிரபலங்கள் தவிரித்து பாலிவுட் பிரபலங்களும் மூன்றாவது அலையால் அதிகம் பாதிக்கப்பட்டு வருகிறார்கள். இந்நிலையில் மக்கள் அனைவரும் பாதுகாப்பாக இருக்குமாறு திரையுலகினர் கேட்டுக்கொண்டுள்ளனர்.