சமுத்திரக்கனி நடிக்கும் புதிய படத்தின் பர்ஸ்ட் லுக் போஸ்டர் வெளியாகியுள்ளது.
தமிழ் சினிமாவில் பிரபல நடிகராகவும், இயக்குனராகவும் வலம் வருபவர் சமுத்திரக்கனி. இவர் நடிப்பில் சமீபத்தில் வெளியான ”ரைட்டர்” திரைப்படம் ரசிகர்களிடையே நல்ல வரவேற்பை பெற்றது. இதனையடுத்து, இவர் நடிக்கும் புதிய திரைப்படத்தின் போஸ்டர் வெளியாகியுள்ளது. ”பப்ளிக்” என பெயரிடப்பட்டிருக்கும் இந்த திரைப்படத்தை இயக்குனர் பரமன் இயக்குகிறார்.
இந்த படத்தில் படத்தில் காளி வெங்கட், ரித்விகா மற்றும் பலர் நடிக்கின்றனர். யுகபாரதி பாடல் எழுதும் இந்த திரைப்படத்திற்கு இமான் இசையமைக்கிறார். இந்நிலையில், இந்த படத்தின் பர்ஸ்ட் லுக் போஸ்டரை பிரபல நடிகர் விஜய் சேதுபதியும் இயக்குநர் வெங்கட்பிரபுவும் வெளியிட்டுள்ளனர்.