8- வது புரோ கபடி லீக் போட்டியில் நேற்று இரவு நடந்த லீக் ஆட்டத்தில் பாட்னா, குஜராத் அணிகள் வெற்றி பெற்றன.
12 அணிகள் பங்கேற்றுள்ள 8- வது புரோ கபடி லீக் போட்டி பெங்களூரில் நடைபெற்று வருகிறது. இதில் நேற்று இரவு நடந்த லீக் ஆட்டத்தில் பாட்னா பைரேட்ஸ் – யு மும்பா அணிகள் மோதின. இதில் ஆட்டத்தின் தொடக்கத்தில் இருந்தே பாட்னா அணி ஆதிக்கம் செலுத்தியது. இறுதியாக 43 – 23 என்ற புள்ளி கணக்கில் மும்பை அணியை வீழ்த்தி வெற்றி பெற்ற பாட்னா அணி 5-வது வெற்றியை பதிவு செய்தது.
இதைத்தொடர்ந்து நடந்த மற்றொரு ஆட்டத்தில் குஜராத் ஜெயண்ட்ஸ்- தெலுங்கு டைட்டன்ஸ் அணிகள் மோதின. இதில் சிறப்பாக விளையாடிய குஜராத் ஜெயண்ட்ஸ் அணி 40 – 22 என்ற கணக்கில் அபார வெற்றி பெற்றது.