தமிழகம் முழுவதும் தமிழர் திருநாளான பொங்கல் பண்டிகை நாளை முதல் கொண்டாடப்பட உள்ளது. அதாவது நாளை பொங்கல் திருவிழா, ஜனவரி 15ஆம் தேதி மாட்டு பொங்கல் மற்றும் ஜனவரி 16 ஆம் தேதி காணும் பொங்கல் கொண்டாடப்பட உள்ளது. இந்நிலையில் தமிழகத்தில் பொங்கல் பண்டிகையை முன்னிட்டு காவல்துறையினருக்கு பொங்கல் பதக்கங்கள் வழங்க முதல்வர் ஸ்டாலின் உத்தரவிட்டுள்ளார். அதன்படி 3,186 காவல்துறை சீருடை அலுவலர்கள், பணியாளர்களுக்கு பொங்கல் பதக்கங்கள் வழங்கப்படும். 3000 காவலர்களுக்கு முதலமைச்சரின் ‘காவல் பதக்கங்கள்’ வழங்கப்படும்.
அதனை தொடர்ந்து தீயணைப்பு மற்றும் மீட்பு பணிகள் துறை யில் 150 பேருக்கு ‘முதலமைச்சரின் சிறப்புப் பதக்கங்கள்’ வழங்கப்படும். காவல் வானொலி பிரிவு, நாய் படைப் பிரிவு, காவல் புகைப்பட கலைஞர்கள் துறையில் 6 பேருக்கு ‘முதலமைச்சரின் காவல் தொழில்நுட்ப சிறப்புப் பதக்கம்’ வழங்கப்படும். மேலும் விருது பெறும் காவலர்களுக்கு பிப்ரவரி 1 முதல் மாதாந்திர பதக்கப்படி ரூ.400 வழங்கப்படும் என்று தெரிவிக்கப்பட்டுள்ளது.