குடிபோதையில் ஏற்பட்ட தகராறில் வாலிபரை தாக்கிய குற்றத்திற்காக இருவரை காவல்துறையினர் கைது செய்துள்ளனர்.
மயிலாடுதுறை மாவட்டத்திலுள்ள மல்லியகொல்லை மெயின் ரோட்டில் லாரி ஓட்டுநரான கலைவாணன் என்பவர் வசித்து வருகிறார். இவர் மல்லியகொல்லை பகுதியிலுள்ள டாஸ்மாக் கடைக்கு சென்றுள்ளார். அங்கு குடிபோதையில் கலைவாணனுக்கும் ஐயப்பன் மற்றும் அவரது நண்பர்களுக்குமிடையே தகராறு ஏற்பட்டுள்ளது. இதில் ஐயப்பன் மற்றும் அவரது நண்பர்கள், கலைவாணனை சரமாரியாக தாக்கினர்.
இதனால் பலத்த காயமடைந்த கலைவாணனை அக்கம்பக்கத்தினர் மீட்டு சிகிச்சைக்காக அரசு மருத்துவமனையில் அனுமதித்துள்ளனர். இது குறித்த புகாரின் பேரில் வழக்குப் பதிந்த காவல்துறையினர் ஐயப்பன் மற்றும் ரஞ்சித் ஆகியோரை கைது செய்தனர். இந்த சம்பவத்தில் தொடர்புடைய சுசில்குமார் என்பவரை காவல்துறையினர் வலைவீசி தேடி வருகின்றனர்.