நடிகர் சூர்யா நடிப்பில் பெரியளவில் வெற்றி பெற்ற திரைப்படம் ஜெய் பீம். இந்தப் படம் இந்திய அளவில் புதிய சாதனையை படைத்துள்ளது. ஓய்வு பெற்ற நீதிபதி சந்துருவின் வழ்க்கையில் நடந்த உண்மை சம்பவத்தை அடிப்படையாகக் கொண்டு உருவான திரைப்படம் ஜெய்பீம் ஆகும். இந்த படம் ஞானவேல் இயக்கத்தில் நடிகர் சூர்யா நடிப்பில் உருவாகியுள்ளது.
மேலும் இந்தத் திரைப்படம் ரசிகர்கள் மத்தியில் நல்ல வரவேற்பை பெற்றுள்ளது. இந்த திரைப்படம் தற்போது புதிய சாதனைகளை படைத்து வந்தது. அதிலும் குறிப்பாக உலகளவில் திரைப்படங்களை மதிப்பிடும் ஐஎம்டிபி தளத்தில் முதலிடத்தை பிடித்தது.
இந்நிலையில் ஜெய் பீம் திரைப்படத்தின் காட்சிகள் ஆஸ்காரின் அதிகாரப்பூர்வ யூடியூப் பக்கத்தில் பதிவேற்றம் செய்யப்பட்டுள்ளது. இந்த திரைப்படம் பல சர்ச்சைகளை ஏற்படுத்திய போதிலும், ரசிகர்கள் மற்றும் விமர்சகர்கள் மத்தியில் பலத்த வரவேற்ப்பை பெற்றது. ஆஸ்காரின் அதிகாரப்பூர்வ யூடியூப் பக்கத்தில் பதிவேற்றம் செய்யப்பட்ட முதல் தமிழ் படம் என்ற சாதனையை படைத்துள்ளது.