இலங்கை சிறையில் இருக்கும் புதுக்கோட்டை மாவட்ட மீனவர்கள் 13 பேருக்கு மூன்றாம் தடவையாக சிறைக்காவல் நீட்டிக்கப்படுவதாக யாழ்ப்பாணம் நீதிமன்றம் உத்தரவிட்டிருக்கிறது.
கடந்த வருடம் டிசம்பர் மாதம் 20ஆம் தேதியன்று மீன் பிடிக்க சென்ற 13 மீனவர்களை இலங்கை கடற்படை கைது செய்தது. அவர்கள் எல்லை தாண்டி மீன் பிடித்ததாக குற்றம்சாட்டி, அவர்களின் 2 விசைப்படகுகளையும் கைப்பற்றினர்.
இந்நிலையில், யாழ்ப்பாண நீதிமன்றம் அந்த மீனவர்கள் இலங்கை கடற்பரப்பில் தான் மீன் பிடித்தனர் என்பதை நில அளவு ஒதுக்கீட்டு துறை மூலம் உறுதிப்படுத்தி சான்றிதழ் வழங்கவேண்டும் என்று தெரிவித்திருக்கிறது. மேலும் வரும் பிப்ரவரி முதல் தேதி வரை மீனவர்கள் சிறையில் இருக்க வேண்டும் என்றும் உத்தரவிடப்பட்டுள்ளது.