கச்சத்தீவு அருகில் இலங்கை ரோந்து கப்பல் மோதி ராமேஸ்வரம் பகுதி மீனவர்களின் விசைப்படகு கடலில் மூழ்கி உள்ளதாக மீனவர்கள் தகவல் தெரிவித்துள்ளனர்.
ராமேஸ்வரம் மீன்பிடி துறைமுகத்தில் இருந்து நேற்று 500 க்கும் மேற்பட்ட விசைப்படகுகள் மூலமாக மீனவர்கள் மீன்பிடிக்க சென்றுள்ளனர். இந்த நிலையில் கச்சத்தீவு அருகில் மீன்பிடித்து கொண்டிருந்தபோது இலங்கை ரோந்து கப்பல் மோதி ராமேஸ்வரம் பகுதி மீனவர்கள் படகு கடலில் மூழ்கி உள்ளதாக மீனவர்கள் தகவல் தெரிவித்துள்ளனர்.
தமிழக மீனவர்கள் எல்லைத்தாண்டி மீன்பிடித்ததாக சொல்லி இலங்கை ரோந்து கப்பல் மோதிய நிலையில், கடலில் மூழ்கிய விசைப்படகில் இருந்த 7 மீனவர்களை சக மீனவர்கள் பாதுகாப்பாக மீட்டு கரை சேர்த்துள்ளதாக கூறப்படுகிறது.