அவரைக்காய் குழம்பு
தேவையான பொருட்கள் :
அவரைக்காய்-கால் கிலோ
பெரிய வெங்காயம்-2
தக்காளி-3 (சிறியது)
பச்சை மிளகாய்-2 (நறுக்கியது)
மிளகாய் தூள்-1 டேபுள் ஸ்பூன்
மஞ்சள் தூள்-அரை டீஸ்பூன்
புளி -எலுமிச்சை அளவு
கறிவேப்பிலை-1 கொத்து
பூண்டு பல்-10
கடுகு -அரை டீஸ்பு ன்
எண்ணெய்- தேவைக்கேற்ப
உப்பு -தேவைக்கேற்ப
செய்முறை :
எலுமிச்சை அளவு புளியை அரை கப் தண்ணீரில் சற்று கெட்டியாக கரைத்து வைக்கவும். ஒரு வாணலி அல்லது பாத்திரத்தில் எண்ணெய் விட்டு கடுகு, கறிவேப்பிலை, பூண்டு, பச்சை மிளகாய் மற்றும் வெங்காயத்தை போட்டு நன்கு வதக்கிய பிறகு அவரைக்காயை போட்டு நன்கு வதக்கவும்.
தக்காளியை போட்டு மேலும் வதக்கவும். அடுத்து மஞ்சள் தூள், மிளகாய் தூள் மற்றும் உப்பு போடவும். பின்னர் கெட்டியாக கரைத்து வைத்துள்ள புளியை குழம்பில் ஊற்றவும். காய் வெந்தவுடன் குழம்பை இறக்கி பரிமாறவும்.
இதனுடன் சாப்பிட உகந்த உணவுகள் : சாதம் மற்றும் தோசையுடன் வைத்து சாப்பிடலாம்.