2 நாகப்பாம்புகளை வனத்துறையினர் பத்திரமாக பிடித்து விட்டனர்.
நீலகிரி மாவட்டத்தில் உள்ள வெட்டுகாடு பகுதியில் இருக்கும் சாலையில் இரண்டு நாகப்பாம்புகள் கிடந்துள்ளது. இதனை பார்த்து அதிர்ச்சி அடைந்த பொதுமக்கள் உடனடியாக வனத்துறையினருக்கு தகவல் தெரிவித்துள்ளனர். அந்த தகவலின் படி சம்பவ இடத்திற்கு விரைந்து சென்ற வனத்துறையினர் சுமார் 6 அடி நீளமுடைய 2 நாக பாம்புகளையும் பத்திரமாக பிடித்துவிட்டனர். இது குறித்து வனத்துறையினர் கூறும்போது பிடிபட்ட பாம்பு அதிக விஷத்தன்மை உடையது என தெரிவித்துள்ளனர். அதன்பிறகு வனத்துறையினர் பாம்புகளை அடர்ந்த வனப்பகுதியில் விட்டனர்.