பெண் போலீசுக்கு காவல்நிலையத்தில் வைத்து வளைகாப்பு நிகழ்ச்சி நடைபெற்ற சம்பவம் நெகிழ்ச்சியை ஏற்படுத்தியுள்ளது.
சென்னை மாவட்டத்திலுள்ள பெரம்பூரில் இருக்கும் செம்பியம் போலீஸ் குடியிருப்பில் சதீஷ்-அரவிந்தா தம்பதியினர் வசித்து வருகின்றனர்.இதில் அரவிந்தா மாதவரம் காவல் நிலையத்தில் முதல்நிலை காவலராக பணிபுரிந்து வருகிறார். இந்நிலையில் 7 மாத கர்ப்பிணியாக இருக்கும் அரவிந்தாவிற்கு காவல் நிலையத்திலேயே வளைகாப்பு நிகழ்ச்சி நடத்த சக போலீசார் ஏற்பாடு செய்தனர்.
அதன் படி மாதவரம் இன்ஸ்பெக்டர் காளிராஜ், குற்றப்பிரிவு இன்ஸ்பெக்டர் ஸ்ரீஜா ஆகியோர் முன்னிலையில் காவல் நிலையத்தில் வைத்து அரவிந்தாவுக்கு வளைகாப்பு நிகழ்ச்சி நடைபெற்றுள்ளது. இதில் வெள்ளி வளையல்கள், பட்டுப்புடவை, 7 வகையான உணவுகள், 9 வகையான பழங்கள் உள்ளிட்டவை சீர்வரிசையாக வைக்கப்பட்டுள்ளது. இந்த விழாவில் சக போலீசார் கலந்து கொண்டனர்.