ஹாலிவுட் தரத்திற்கு நிகராக நடிகர் சிவகார்த்திகேயனின் அயலான் திரைப்படம் உருவாகி வருவதாக படக்குழு தெரிவித்துள்ளது.
நடிகர் சிவகார்த்திகேயன் சின்னத்திரையிலிருந்து வெள்ளித்திரைக்கு வந்து, தற்போது முன்னணி நடிகராக கலக்கிக்கொண்டிருக்கிறார். தற்போது இவரின் நடிப்பில் உருவாகும் அயலான் திரைப்படத்தை இன்று நேற்று நாளை படத்தின் இயக்குனர் ரவிக்குமார் இயக்குகிறார். இத்திரைப்படத்திற்கான படப்பிடிப்புகள் நிறைவடைந்து இறுதிக்கட்ட பணிகள் நடந்து கொண்டிருக்கிறது.
இசை புயல் ஏ.ஆர் ரகுமான் இத்திரைப்படத்திற்கு இசையமைத்திருக்கிறார். இத்திரைப்படம் ஹாலிவுட் தரத்தில் உருவாகியிருப்பதாகவும், அதிகமாக கிராபிக்ஸ் காட்சிகள் இருக்கும் என்றும் படக்குழுவினர் கூறியுள்ளனர். மேலும் இத்திரைப்படத்தின் மூலம் சிவகார்த்திகேயன் அடுத்த கட்டத்திற்கு செல்வார் என்றும் அவரின் கெரியரில் இது மிக முக்கிய திரைப்படமாக அமையும் என்றும் கூறியிருக்கின்றனர். இத்திரைப்படம் எப்போது வெளியாகும்? என்பது தொடர்பான தகவல் விரைவில் வெளியிடப்படும் என்று தெரிவிக்கப்பட்டுள்ளது.