தமிழகத்தில் அதிகரித்து வந்த கொரோனா பாதிப்பு கடந்த சில நாட்களாக படிப்படியாக குறைந்து வருகிறது. அந்த வகையில் இன்றைய கொரோனா பாதிப்பு தொடர்பாக சுகாதாரத்துறை அறிவிப்பு வெளியிட்டுள்ளது. அதன்படி தமிழ்நாட்டில் இன்று 1,50,931 பேருக்கு கொரோனா பரிசோதனை மேற்கொள்ளப்பட்டுள்ளது. அதில் 29,976 பேருக்கு கொரோனா பாதிப்பு உறுதி செய்யப்பட்டுள்ளது.
அதன் மூலம் மொத்த கொரோனா பாதிப்பு 32,24,236-ஆக அதிகரித்துள்ளது. மேலும் இன்று கொரோனாவால் 47 பேர் உயிரிழந்துள்ளனர். அதே சமயம் 27,507 பேர் கொரோனாவிலிருந்து பூரண குணமடைந்து வீடு திரும்பியுள்ளனர். எனவே கொரோனா பாதிப்பு தமிழகத்தில் படிப்படியாக குறைந்து வருவதால் மக்கள் சற்று ஆறுதல் அடைந்துள்ளனர்.