நிலத்தகராறு காரணத்தால் தம்பியை கத்தியால் குத்திய அண்ணனை காவல்துறையினர் கைது செய்துள்ளனர்.
திருப்பத்தூர் மாவட்டத்தில் உள்ள சொரக்காயல்நத்தம் பகுதியில் ஞானசேகரன் என்பவர் வசித்து வருகிறார். இவருக்கு காந்தி என்ற தம்பி இருக்கிறார். இந்நிலையில் இவர்கள் இருவருக்கும் இடையே நிலத்தகராறு இருந்துள்ளது. இதனால் இருவருக்கும் இடையே திடீரென தகராறு ஏற்பட்டுள்ளது.
அப்போது கோபமடைந்த அண்ணன் தனது தம்பியை கத்தியால் வெட்டியுள்ளார். இதில் படுகாயமடைந்த காந்தியை உறவினர்கள் மீட்டு சிகிச்சைக்காக அரசு மருத்துவமனைக்கு அனுப்பி வைத்துள்ளனர். மேலும் இது குறித்து வழக்குப்பதிவு செய்த காவல்துறையினர் ஞானசேகரனை கைது செய்துள்ளனர்.