ரொம்ப நேரமா வெளிய வரல…. தந்தையின் கண்முன்னே நடந்த விபரீதம்…. சோகத்தில் குடும்பத்தினர்…!!

பள்ளி மாணவர் தண்ணீரில் மூழ்கி உயிரிழந்த சம்பவம் சோகத்தை ஏற்படுத்தியுள்ளது.

மதுரை மாவட்டத்திலுள்ள கீரிப்பட்டி பகுதியில் துரைப்பாண்டி என்பவர் வசித்து வருகிறார். இவருக்கு ராஜ் என்ற மகன் உள்ளார். இவர் அப்பகுதியில் இருக்கும் பள்ளியில் 9-ம் வகுப்பு படித்து வந்துள்ளார். இந்நிலையில் துரைப்பாண்டி தனது மகனுடன் தோட்டத்து கிணற்றுக்கு குளிப்பதற்காக சென்றுள்ளார். இதனையடுத்து கிணற்றுக்குள் குதித்த ராஜ் வெளியே வராததால் அதிர்ச்சி அடைந்த துரைப்பாண்டி தனது மகனை நீண்ட நேரமாக தேடியுள்ளார்.

ஆனாலும் அவரை கண்டுபிடிக்க இயலாததால் உடனடியாக தீயணைப்பு துறையினருக்கு தகவல் தெரிவித்துள்ளனர். அந்த தகவலின் படி சம்பவ இடத்திற்கு விரைந்து சென்ற தீயணைப்பு வீரர்கள் சுமார் 2 மணி நேர போராட்டத்திற்கு பிறகு ராஜின் சடலத்தை மீட்டு அரசு மருத்துவமனைக்கு பிரேத பரிசோதனைக்காக அனுப்பி வைத்துள்ளனர். மேலும் இதுகுறித்து வழக்குப்பதிவு செய்த காவல்துறையினர் தீவிர விசாரணை மேற்கொண்டு வருகின்றனர்.