தமிழகத்தில் பள்ளிகள் திறப்பு…!!கல்வித்துறை அதிகாரிகளுக்கு பறந்த அதிரடி உத்தரவு…!!

வருகிற பிப்ரவரி மாதம் பள்ளிகள் திறக்கப்படுவதை தொடர்ந்து முதன்மை கல்வி அதிகாரிகளுக்கு புதிய உத்தரவுகள் பிறப்பிக்கப்பட்டுள்ளன.

கடந்த இரண்டு ஆண்டுகளாக கொரோனா பரவல் காரணமாக பள்ளி கல்லூரிகள் மூடப்பட்டிருந்த நிலையில் தற்போது தான் திறக்கப்பட்டது. இந்நிலையில் மீண்டும் கொரோனா மற்றும் ஒமைக்ரான் பரவல் காரணமாக பள்ளி கல்லூரிகளுக்கு கடந்த சில நாட்களாக விடுமுறை அளிக்கப்பட்டது. இதனால் பள்ளி குழந்தைகளின் கல்வி கடுமையாக பாதிக்கப்பட்டது. ஒமைக்ரான் பரவல் காரணமாக தமிழகத்தில் இரவு நேர ஊரடங்கு மற்றும் ஞாயிற்றுக்கிழமை முழு ஊரடங்கு அமலில் இருந்தது. ஊரடங்கு வருகிற 31-ஆம் தேதியுடன் முடிவடைய உள்ள நிலையில் தற்போது மீண்டும் பள்ளி கல்லூரிகளை திறப்பது குறித்து அரசு ஆலோசனை நடத்தி வந்தது. இந்த ஆலோசனையில் முடிவாக வருகிற பிப்ரவரி 1ஆம் தேதி முதல் அனைத்து வகுப்புகளுக்கும் பள்ளிகள் திறக்கப்படும் என அரசு அறிவித்திருந்தது.

அதன்படி 1 முதல் 12-ஆம் வகுப்பு வரை உள்ள மாணவர்களுக்கு சுழற்சி முறையில் பள்ளிகள் திறக்கப்படும் என அரசு அறிவிப்பு வெளியிட்டுள்ளது. இதனைத் தொடர்ந்து பள்ளிக்கல்வித்துறை மாவட்ட முதன்மை கல்வி அதிகாரிகளுக்கு சுற்றறிக்கை ஒன்றை வெளியிட்டுள்ளது. அதன் படி 1 முதல் 12-ஆம் வகுப்பு வரையிலான அனைத்து மாணவர்களுக்கும் அரசின் வழிகாட்டு நெறிமுறைகளின் படி வகுப்புகள் எடுக்க வேண்டும் என அதில் குறிப்பிடப்பட்டுள்ளது.