தமிழ் சினிமாவில் பிரபல நடிகராக வலம் வருபவர் சிம்பு. இவரின் சமீபத்திய படமான மாநாடு பிளாக்பஸ்டர் ஹிட் கொடுத்தது. இதனை தொடர்ந்து சிம்புவுக்கு வாய்ப்புகள் வந்தவண்ணம் உள்ளன. தற்போது அவர் வெந்து தணிந்த காடு என்ற படத்தில் நடித்து வருகிறார். இதனை தொடர்ந்து பத்து தல ,கொரோனா குமார் உள்ளிட்ட பல படங்கள் சிம்புவின் கைவசம் உள்ளன. இந்நிலையில் ஏஜிஎஸ் என்டர்டெயின்மென்ட் தயாரிப்பில் இயக்குனர் அஸ்வத் மாரிமுத்து இயக்கத்தில் ஒரு படத்தில் நடிக்க சிம்பு ஒப்பந்தமாகியுள்ளார்.
இந்த படத்தில் சிம்புவுக்கு ஜோடியாக ரித்திகா சிங் நடிக்க உள்ளதாக கூறப்படுகிறது. இவர் ஏற்கனவே இறுதிச்சுற்று, ஓ மை கடவுளே உள்ளிட்ட படங்களில் நடித்திருந்தார் என்பது குறிப்பிடத்தக்கது. ஏற்கனவே சிம்பு ஒப்பந்தமாகியுள்ள படங்களில் நடித்து முடித்துவிட்டு பின்னர் இந்த படத்தில் நடிப்பார் என கூறப்படுகிறது. காமெடி மற்றும் காதல் கலந்த படமாக இந்த படம் உருவாக்கப்பட உள்ளதாக தகவல்கள் வெளியாகியுள்ளன.