‘ஜெய் பீம்’ படத்தின் மூலம் பிரபலமான நடிகர் மணிகண்டன் இயக்கியுள்ள முதல் திரைப்படம் ஓடிடியில் வெளியாகி உள்ளது.
தமிழில் காலா, விக்ரம் வேதா, காதலும் கடந்து போகும், போன்ற படங்களில் முன்னணி நடிகராக நடித்தவர் மணிகண்டன். மணிகண்டன் சமீபத்தில் சூர்யா நடிப்பில் வெளியான ‘ஜெய் பீம்’ படத்தில் நடித்திருந்தார். இவர் பல திரைப்படங்களுக்கு கதை, வசனம் போன்றவற்றை எழுதியுள்ளார். இந்நிலையில் ‘நரை எழுதும் சுயசரிதம்’ எனும் திரைப்படத்தின் மூலம் நடிகர் மணிகண்டன் இயக்குனராக அறிமுகமானார்.
இப்படம் பல்வேறு சர்வதேச திரைப்பட விழாக்களில் திரையிட்டு விருதுகளை குவித்து திரையுலகினரின் பாராட்டுகளை பெற்றுள்ளது. மேலும் இந்த திரைப்படத்தை சோனி லைவ் ஓடிடி தளத்தில் ரிலீஸ் செய்யப்பட்டுள்ளது. இத்திரைப்படத்தில் முக்கிய கதாபாத்திரங்களில் டெல்லி கணேஷ், மணிகண்டன், ஆதவன், ஆர்ஜே சிவசங்கரி, பிரவீன் ராஜ, ராகெண்டு மவுலி, ஷோபனா போன்ற பலர் நடித்துள்ளனர். இப்படத்தை ஜிகே வாகினி புரொடக்சன்ஸ் பதிலாக ஷஷாங்க் வெண்ணலகண்டி தயாரித்துள்ளார். இந்த திரைப்படத்திற்கு பவன் மற்றும் ரதன் இசையமைத்து, ராஜேஷ் ராமகிருஷ்ணன் படத்தொகுப்பு செய்து ஆர் வசந்தகுமார் ஒளிப்பதிவு செய்துள்ளார்.