“இங்கதான் சுத்திட்டு வருது” அச்சத்தில் வாகன ஓட்டிகள்…. வனத்துறையினரின் அறிவுரை…!!

காட்டு யானைகளுக்கு பொதுமக்கள் தொந்தரவு அளிக்கக்கூடாது என வனத்துறையினர் அறிவுறுத்தியுள்ளனர்.

நீலகிரி மாவட்டத்திலுள்ள குன்னூர் மற்றும் அதனை சுற்றியுள்ள கிராமங்களுக்கு சமவெளிப் பகுதியில் இருந்து காட்டு யானைகள் இடம் பெயர்ந்து வருவது வழக்கம். இந்நிலையில் குன்னூர்-மேட்டுப்பாளையம் சாலையோரத்தில் வளர்ந்துள்ள பசுந்தீவனங்களை சாப்பிடுவதற்காக காட்டு யானைகள் வருகிறது.

கடந்த வாரம் கே.என்.ஆர் நகர் பகுதியில் 5 காட்டு யானைகள் குட்டியுடன் முகாமிட்டுள்ளது. இந்த காட்டு யானைகள் குன்னூர்-மேட்டுப்பாளையம் சாலையை அடிக்கடி கடந்து செல்கிறது. எனவே வாகன ஓட்டிகள் காட்டு யானைகளுக்கு தொந்தரவு அளிக்கக் கூடாது என வனத்துறையினர் அறிவுறுத்தியுள்ளனர்.