பெண்ணிடமிருந்து தங்க சங்கிலியை பறித்து சென்ற மர்ம நபர்கள் குறித்து காவல்துறையினர் விசாரணை மேற்கொண்டு வருகின்றனர்.
அரியலூர் மாவட்டத்திலுள்ள உடையார்பாளையம் பகுதியில் பழனியம்மாள் என்பவர் வசித்து வருகிறார். இவர் அப்பகுதியில் ஜவுளி கடை நடத்தி வருகிறார். இந்நிலையில் பழனியம்மாள் தனது ஸ்கூட்டரில் சொந்த ஊர் நோக்கி சென்று கொண்டிருந்தார். அப்போது பழனியம்மாளை பின்தொடர்ந்து சென்ற 2 வாலிபர்கள் உங்களது சேலை வண்டியில் மாட்டியுள்ளது என கூறியுள்ளனர்.
இதனால் பழனியம்மாள் ஸ்கூட்டரை நிறுத்த முயன்ற போது வாலிபர்கள் அவரது கழுத்தில் அணிந்திருந்த 6 பவுன் தங்க சங்கிலியை பறித்து விட்டு அங்கிருந்து தப்பி சென்றனர். இதுகுறித்து பழனியம்மாள் காவல் நிலையத்தில் புகார் அளித்துள்ளார். அந்த புகாரின் பேரில் வழக்குப்பதிவு செய்த காவல்துறையினர் மர்ம நபர்களை வலை வீசி தேடி வருகின்றனர்.