ஐஸ்கிரீம் கடையில் வைத்து இருதரப்பினர் மோதிக் கொண்ட சம்பவம் பரபரப்பை ஏற்படுத்தியுள்ளது.
திருப்பத்தூர் மாவட்டத்தைச் சேர்ந்த 18 வயதுடைய ஒருவரும், பர்கூர் பகுதியில் வசிக்கும் பகலவன் என்பவரும் நண்பர்கள். இந்நிலையில் இவர்கள் இருவரும் மற்றும் அவருடன் வந்த பெண்களும் நேதாஜி சாலையில் இருக்கும் ஒரு கடையில் அமர்ந்து ஐஸ்கிரீம் சாப்பிட்டு கொண்டிருந்தனர்.
அப்போது மோகமத் அல்பாஹத் மற்றும் ஷாநாவாஸ் ஆகிய இருவரும் ஐஸ்கிரீம் கடைக்கு வந்து 18 வயதுடைய வாலிபரிடமும் அவரின் நண்பர் பகலவனிடமும் வாய் தகராறில் ஈடுபட்டுள்ளனர். பின்னர் தகராறு அதிகரித்து இரு தரப்பினரும் மோதிக் கொண்டனர். இது பற்றி காவல்நிலையத்திற்கு புகார் தெரிவிக்கப்பட்டுள்ளது. மேலும் அந்த புகாரின் பேரில் வழக்குப்பதிவு செய்த காவல்துறையினர் ஷாநாவாஸ் மற்றும் மோகமத் அல்பாஹத் ஆகிய இருவரையும் கைது செய்துள்ளனர்.