வாலிபருக்கு கொலை மிரட்டல் விடுத்த குற்றத்திற்காக 3 பேரை காவல்துறையினர் கைது செய்துள்ளனர்.
நாகப்பட்டினம் மாவட்டத்திலுள்ள வெள்ளப்பள்ளத்தில் ரெத்தினகுமார் என்பவர் வசித்து வருகிறார். இவர் தனது சித்தி மகளுடன் வேதாரண்யம் நோக்கி ஸ்கூட்டரில் சென்று கொண்டிருந்தார். அப்போது வேதாரண்யத்திலிருந்து நாகப்பட்டினம் செல்லும் சாலையில் முகேஷ், பூவரசன், வினோத் ஆகிய 3 பேர் காரில் வந்தனர். பின்னர் அவர்கள் ரெத்தினகுமார் ஸ்கூட்டரை வழிமறித்து அவரை தரக்குறைவாக திட்டி கொலை மிரட்டல் விடுத்துள்ளனர். இதுகுறித்து ரெத்தினகுமார் காவல்நிலையத்தில் புகார் அளித்துள்ளார். அந்தப் புகாரின் பேரில் வழக்குப் பதிந்த காவல்துறையினர் முகேஷ், பூவரசன், வினோத் ஆகிய 3 பேரையும் கைது செய்துள்ளனர்.