ஸ்கூட்டர் மீது லாரி மோதிய விபத்தில் பெண் தலை நசுங்கி உயிரிழந்த சம்பவம் சோகத்தை ஏற்படுத்தியுள்ளது.
கன்னியாகுமரி மாவட்டத்திலுள்ள களியக்காவிளை பகுதியில் குமார் என்பவர் வசித்து வருகிறார். இவருக்கு சுதா என்ற மனைவி இருந்துள்ளார். இவர்களுக்கு வின்சி என்ற மகள் உள்ளார். இந்நிலையில் சுதா தனது மகளுடன் ஸ்கூட்டரில் வெளியே சென்றுள்ளார். இவர்கள் கொட்டரக்கோணம் பகுதியில் சென்று கொண்டிருந்த போது அவ்வழியாக வேகமாக வந்த லாரி ஸ்கூட்டர் மீது பயங்கரமாக மோதியது. அப்போது நிலைதடுமாறி கீழே விழுந்த சுதாவின் தலை மீது பேருந்தின் சக்கரம் ஏறி இறங்கியதால் தலை நசுங்கி சம்பவ இடத்திலேயே அவர் பரிதாபமாக இறந்துவிட்டார்.
இந்த விபத்தில் வின்சி லேசான காயங்களுடன் அதிர்ஷ்டவசமாக உயிர் தப்பிவிட்டார். இதுகுறித்து தகவலறிந்த காவல்துறையினர் சம்பவ இடத்திற்கு விரைந்து சென்று சுதாவின் சடலத்தை கைப்பற்றி அரசு மருத்துவமனைக்கு பிரேத பரிசோதனைக்காக அனுப்பி வைத்துள்ளனர். மேலும் இது குறித்து வழக்கு பதிவு செய்த காவல்துறையினர் விசாரணை நடத்தி வருகின்றனர்.