பெண்ணுக்கு கொலை மிரட்டல் விடுத்த தொழிலாளியை காவல்துறையினர் கைது செய்துள்ளனர்.
தூத்துக்குடி மாவட்டத்தில் உள்ள இளையரசனேந்தல் பகுதியில் சோலைசாமி என்பவர் வசித்து வருகிறார். இவருக்கு முனியம்மாள் என்ற மனைவி உள்ளார். அதே பகுதியில் அருள்மணி என்பவர் வசித்து வருகிறார். இவருக்கு பிரபாகரன் என்ற மகன் உள்ளார். இவர் கூலி வேலை செய்து வருகிறார். இந்நிலையில் பிரபாகரன் முனியம்மாளின் மாட்டுத்தொழுவத்தில் கல்வீசி தாக்கினார்.
இதனை முனியம்மாள் தட்டிக் கேட்டுள்ளார். இதனால் ஆத்திரமடைந்த பிரபாகரன் முனியம்மாளை அவதூறாக பேசி கொலை மிரட்டல் விடுத்துள்ளார். இதுகுறித்து முனியம்மாள் காவல்நிலையத்தில் புகார் அளித்துள்ளார். அந்த புகாரின் பேரில் வழக்கு பதிவு செய்த காவல்துறையினர் பிரபாகரனை கைது செய்து விசாரணை நடத்தி வருகின்றனர்.