தேங்காய் பறிக்க போன ஓட்டுநர் மரத்துடன் கீழே விழுந்து உயிரிழந்த சம்பவம் சோகத்தை ஏற்படுத்தியுள்ளது.
கடலூர் மாவட்டத்தில் உள்ள தோப்பு கிராமத்தில் திருப்பதி என்பவர் வசித்து வந்துள்ளார். இவர் ஓட்டுனராக வேலை பார்த்து வந்துள்ளார். இந்நிலையில் திருப்பதி தேங்காய் பறிப்பதற்காக தனது வீட்டின் அருகில் இருக்கும் தென்னை மரத்தில் ஏறி உள்ளார். அப்போது எதிர்பாராதவிதமாக தென்னைமரம் திடீரென முறிந்து கீழே விழுந்ததில் திருப்பதி பலத்த காயமடைந்து உள்ளார்.
இதனை பார்த்து அதிர்ச்சி அடைந்த அக்கம்பக்கத்தினர் திருப்பதியை மீட்டு சிகிச்சைக்காக அரசு மருத்துவமனைக்கு அனுப்பி வைத்துள்ளனர். அங்கு திருப்பதியை பரிசோதித்த மருத்துவர் அவர் ஏற்கனவே உயிரிழந்து விட்டதாக தெரிவித்துள்ளார். மேலும் இது குறித்து வழக்குபதிவு செய்த காவல்துறையினர் தீவிர விசாரணை மேற்கொண்டு வருகின்றனர்.