கத்தியை காட்டி மிரட்டி பணம் பறித்த 2 வாலிபர்களை காவல்துறையினர் கைது செய்துள்ளனர்.
ராணிப்பேட்டை மாவட்டத்தில் உள்ள மேட்டூர் பகுதியில் சதீஷ் என்பவர் வசித்து வருகிறார். இவர் தனது இருசக்கர வாகனத்தில் சோளிங்கர் பகுதி நோக்கி சென்றுள்ளார். அப்போது இவரைப் பின் தொடர்ந்து வந்த 2 வாலிபர்கள் வழியில் மடக்கி கத்தியை காட்டி மிரட்டி அவரிடம் இருந்து 500 ரூபாய் மற்றும் செல்போனை பறித்து சென்றுள்ளனர். இது பற்றி சதீஷ் காவல் நிலையத்தில் புகார் கொடுத்துள்ளார். அந்தப் புகாரின் பேரில் வழக்குப்பதிவு செய்த காவல்துறையினர் விசாரணை நடத்தி வந்தனர்.
இதனை அடுத்து ரங்காபுரம் பகுதியில் காவல்துறையினர் தீவிர வாகன தணிக்கையில் ஈடுபட்டுள்ளனர். அப்போது இருசக்கர வாகனத்தில் வந்த 2 வாலிபர்களை பிடித்து விசாரணை நடத்தியதில் அவர்கள் வேடல் பகுதியில் வசிக்கும் சஞ்சித் மற்றும் கருணாகரன் என்பதும், சதீஷ் என்பவரிடம் வழிப்பறியில் ஈடுபட்டதும் காவல்துறையினருக்கு தெரியவந்துள்ளது. மேலும் அவர்கள் 2 பேரையும் கைது செய்து அவர்களிடமிருந்து 500 ரூபாய் பணம் மற்றும் செல்போனை காவல்துறையினர் பறிமுதல் செய்துள்ளனர்.