உணவு கடத்தல் பிரிவு காவல்துறையினர் நடத்திய சோதனையில் சரக்கு வேனில் கடத்த முயன்ற 50 கிலோ ரேஷன் அரிசியை பறிமுதல் செய்துள்ளனர்.
நாமக்கல் மாவட்டம் மேட்டிபட்டி அருகே சமத்துவபுரம் பகுதியில் ரேஷன் அரிசி கடத்தலை தடுக்க உணவு கடத்தல் தடுப்பு பிரிவு காவல்துறையினர் வாகன சோதனையில் ஈடுபட்டு இருந்துள்ளனர். இந்நிலையில் அப்பகுதி வழியாக வந்த சரக்குவேனை நிறுத்தி சோதனை செய்துள்ளனர்.
அப்போது அந்த வேனில் சுமார் 50 கிலோ ரேஷன் இருந்துள்ளது. அதனை பறிமுதல் செய்த அதிகாரிகள் சரக்கு வேன் டிரைவரான திருச்சி மாவட்டம் மனப்பரையை சேர்ந்த ஜெயராமனை கைது செய்து விசாரித்து வருகின்றனர். மேலும் ரேஷன் அரிசி கடத்தலை தடுக்க அதிகாரிகள் பல்வேறு நடவடிக்கைகளை மேற்கொண்டு வருகின்றனர்.