விஜய் நடிக்கும் “பீஸ்ட்” திரைப்படத்தின் ரிலீஸ் தேதி குறித்து தகவல் வெளியாகியுள்ளது.
இளைய தளபதி விஜய் தற்போது பீஸ்ட் படத்தில் நடித்திருக்கிறார். இப்படத்தை சன் பிக்சர்ஸ் தயாரிக்கிறது. இத்திரைப்படத்தை நெல்சன் திலீப்குமார் இயக்குகிறார். கடந்த ஏப்ரல் மாதம் இப்படத்தின் படப்பிடிப்பு ஜார்ஜியாவில் தொடங்கின. இப்படத்தில் விஜயிக்கான படப்பிடிப்பு பணிகள் நிறைவடைந்ததாக படக்குழு அறிவித்தனர். மேலும் இந்த படத்தில் கதாநாயகியாக பூஜா ஹெக்டே நடித்திருக்கிறார். மேலும் சைன் டாம் சாக்கோ, செல்வராகவன் உள்ளிட்டோர் நடித்து இருக்கிறார்கள். செல்வராகவன் இப்படத்தில் அரசியல்வாதியாக நடித்திருக்கிறார்.
சமீபத்தில் பீஸ்ட் படப்பிடிப்பு 100-வது நாளை படக்குழு புகைப்படம் எடுத்து வெளியிட்டு இருந்தது. தற்போது படக்குழு பீஸ்ட் ரிலீஸ் தேதி குறித்து தகவல் வெளியாகி உள்ளது. பீஸ்ட் திரைப்படம் வருகின்ற ஏப்ரல் 14ம் தேதி திரையரங்குகளில் ரிலீஸாகும் என திட்டமிடப்பட்டிருக்கிறது. ஏற்கனவே ஏப்ரல் மாதத்தில் பீஸ்ட் ரிலீஸாகும் என தகவல் வந்த நிலையில் தற்போது ரிலீஸ் தேதிபற்றி தகவல் வெளியாகியுள்ளது. இச்செய்தி வெளியானதால் விஜய் ரசிகர்கள் சந்தோஷத்தில் உள்ளனர்.