அருணாச்சல பிரதேசத்தில் பனிச்சரிவில் சிக்கி 7 ராணுவ வீரர்கள் உயிரிழந்துள்ளதாக தெரிவிக்கப்பட்டுள்ளது.
அருணாச்சலப் பிரதேசத்தில் கடந்த சில தினங்களாக சீரற்ற வானிலை மற்றும் கடும் பனிப்பொழிவு நிலவி வருகிறது. இதில் அங்குள்ள காமெங் செக்டார் எனும் பகுதியில் ராணுவ வீரர்கள் நேற்று முன்தினம் ரோந்து பணியில் ஈடுபட்டுள்ளனர்.
அப்போது ஏற்பட்டுள்ள கடும் பனிச்சரிவு காரணமாக லெப்டினன்ட் கர்னல், ஹர்ஷ் வர்தன், பாண்டே உள்ளிட்ட 7 ராணுவ வீரர்கள் அதில் சிக்கியுள்ளனர் . இதனைத் தொடர்ந்து மீட்புப் பணிகள் முழு வீச்சில் நடைபெற்று வருகின்றன நிலையில் பனிச்சரிவில் சிக்கி உள்ள 7 ராணுவ வீரர்களும் உயிரிழந்ததாக இராணுவம் கூறியுள்ளது. உயிரிழந்த ராணுவ வீரர்களின் உடல்கள் மீட்கப்பட்டு இருப்பதாகவும் இந்திய ராணுவம் தெரிவித்துள்ளது.