சென்னை சேத்துப்பட்டில் மோகன்சர்மா என்பவர் வசித்து வருகிறார். இவர் தமிழ் சினிமாவில் சச்சின், அப்பு, சுயம்வரம், பார்த்திபன் கனவு ஆகிய படங்களில் நடித்துள்ளார். மேலும் படம் தயாரித்துள்ளார். இவர் நேற்றைய தினம் சென்னை போலீஸ் கமிஷனர் அலுவலகத்தில் புகார் மனு ஒன்றை அளித்துள்ளார். இதையடுத்து மோகன்சர்மா நிருபர்களுக்கு பேட்டி அளித்தபோது “கடந்த வருடம் மார்ச் மாதம் எனது வீட்டில் இருந்து, வெளியில் செல்ல காரை எடுத்தேன்.
அப்போது மர்ம நபர் ஒருவர் என்னிடம் தகராறு செய்தார். அதுமட்டுமல்லாமல் எனக்கு கொலை மிரட்டல் விடுத்ததோடு, இரும்பு கம்பியால் என்னை தாக்க முயற்சி செய்தார். இது தொடர்பாக காவல் நிலையத்தில் புகார் கொடுத்தேன். ஆனால் இதுவரையிலும் எந்த நடவடிக்கையும் எடுக்கவில்லை. இதனால் எனக்கு பாதுகாப்பு இல்லாதது போல் நான் உணர்கிறேன். ஆகவே நான் கொடுத்த புகார் மனு மீது உரிய நடவடிக்கை எடுக்க வேண்டும்”என்று கூறினார்.