வாகனம் மோதி பெண் உயிரிழந்த சம்பவம் சோகத்தை ஏற்படுத்தியுள்ளது.
தூத்துக்குடி மாவட்டத்தில் உள்ள சவலாப்பேரி நாற்கர சாலையில் 50 வயது மதிக்கத்தக்க பெண் ஒருவர் வாகனம் மோதி உயிரிழந்துள்ளார். அந்த பெண்ணின் தலை துண்டாகி உடல் நசுங்கி சிதைந்து கிடந்ததை பார்த்த பொதுமக்கள் காவல்துறையினருக்கு தகவல் தெரிவித்துள்ளனர். அந்த தகவலின் படி சம்பவ இடத்திற்கு விரைந்து சென்ற காவல்துறையினர் அந்த பெண்ணின் உடலை கைப்பற்றி அரசு மருத்துவமனைக்கு பிரேத பரிசோதனைக்காக அனுப்பி வைத்துள்ளனர்.
இதுகுறித்து காவல்துறையினர் நடத்திய விசாரணையில் அந்த பெண் நடந்து சென்று கொண்டிருந்த போது அந்த வழியாக வந்த வாகனம் மோதி அவர் இறந்தது தெரியவந்துள்ளது. மேலும் அதிகாலை நேரங்களில் தொடர்ந்து பின்னால் வந்த வாகனங்கள் அவரது உடல் மீது ஏற்றியதால் சிதைந்ததும் தெரியவந்துள்ளது. இந்நிலையில் அவரது பையில் சடையம்பட்டி பகுதியில் வசிக்கும் ஞானசெல்வி என எழுதப்பட்டிருந்தது. அதனுடன் பைபிள், சிலுவை போட்ட ஜெபமாலையும் இருந்தது தெரியவந்துள்ளது. மேலும் இது குறித்து வழக்கு பதிவு செய்த காவல்துறையினர் விசாரணை நடத்தி வருகின்றனர்.