கூட்டுறவு வேளாண்மை உற்பத்தியாளர் சங்கத்தில் நடைபெற்ற மஞ்சள் ஏலத்தில் 9 லட்சத்திற்கு மஞ்சள் ஏலம் நடைபெற்றுள்ளது.
நாமக்கல் மாவட்டம் ராசிபுரத்தில் உள்ள கூட்டுறவு வேளாண்மை உற்பத்தியாளர்கள் மற்றும் விற்பனை சங்க வளாகத்தில் மஞ்சள் ஏலம் நடைபெற்றுள்ளது. இந்த ஏலத்தில் நாமகிரிப்பேட்டை, புதுப்பட்டி, ஓடுவன்குறிச்சி, முள்ளுக்குறிச்சி, மெட்டாலா, அரியாக்கவுண்டம்பட்டி, ஊனத்தூர், பேளுக்குறிச்சி, ஆத்தூர் உள்ளிட்ட பல்வேறு பகுதிகளில் இருந்து விவசாயிகள் மஞ்சளை கொண்டுவந்து விற்பனை செய்துள்ளனர். இதனையடுத்து ஈரோடு சேலம் போன்ற பல்வேறு பகுதிகளில் இருந்து வியாபாரிகள் பங்கேற்று போட்டிபோட்டு மஞ்சளை ஏலத்தில் எடுத்து சென்றுள்ளனர்.
அதன்படி விரலி மஞ்சள் குவிண்டால் ஒன்றுக்கு குறைந்தபட்ச விலையாக 5,865 அதிகபட்ச விலையாக 8,969 க்கும் விற்பனை செய்யப்பட்டுள்ளது. இதனைத்தொடர்ந்து உருண்டை ரக மஞ்சள் அதிகபட்ச விலையாக 6,042 ரூபாய்க்கும், குறைந்தபட்சமாக 6,812 ரூபாய்க்கும், பனங்காலி ரக மஞ்சள் ஒரு குவிண்டால் குறைந்தபட்ச விலையாக 14,445 ரூபாய்க்கும், அதிகபட்ச விலையாக 17,512 ரூபாய்க்கும் விற்பனை செய்யப்பட்டது. அதன் அடிப்படையில் மொத்தம் 9 லட்சத்திற்கு ஏலம் விடப்பட்டுள்ளது.