8-வது புரோ கபடி லீக் போட்டியில் நேற்றிரவு நடந்த பெங்கால் வாரியர்ஸ் – தபாங் டெல்லி அணிகளுக்கு இடையேயான ஆட்டம் டிராவில் முடிந்தது.
12 அணிகள் பங்கேற்கும் 8-வது புரோ கபடி லீக் போட்டி பெங்களூரில் நடைபெற்று வருகிறது. இதில் நேற்றிரவு நடந்த லீக் ஆட்டத்தில் பெங்கால் வாரியர்ஸ் – தபாங் டெல்லி அணிகள் பலப்பரீச்சை நடத்தின.பரபரப்பாக நடந்த ஆட்டத்தில் 39-39 என்ற புள்ளி கணக்கில் போட்டி சமனில் முடிந்தது. இதுவரை 18 போட்டிகளில் விளையாடியுள்ள தபாங் டெல்லி அணி 9 வெற்றி, 5 தோல்வி, 4 டிரா கண்டுள்ளது. அதேபோல் 19 போட்டிகளில் விளையாடியுள்ள பெங்கால் வாரியர்ஸ் அணி 7 வெற்றி, 9 தோல்வி, 3 டிரா சந்தித்துள்ளது.
இதைதொடர்ந்து நடந்த மற்றொரு ஆட்டத்தில் பாட்னா பைரட்ஸ்- புனேரி பால்டன் அணிகள் மோதின. இதில் 43-26 என்ற புள்ளி கணக்கில் பாட்னா பைரட்ஸ் வெற்றி பெற்றது.இதனிடையே இன்று இரவு 7.30 மணிக்கு நடைபெறும் ஆட்டத்தில் அரியானா ஸ்டீலர்ஸ்-புனேரி பால்டன் அணியும் ,இரவு 8.30 மணிக்கு நடைபெறும் ஆட்டத்தில் பெங்களூரு புல்ஸ்-ஜெய்ப்பூர் பிங்க் பாந்தர்ஸ் அணியும் , இரவு 9.30 மணிக்கு நடைபெறும் மற்றொரு ஆட்டத்தில் உ.பி.யோத்தா-குஜராத் ஜெயன்ட்ஸ்அணியும் மோதுகின்றன.