அருணாச்சலம் திரைப்படத்தின் போது ரஜினியின் ருத்ராட்சம் உண்மையில் காணாமல் போனதாம்.
நடிகர் ரஜினிகாந்த் அவர்களை, மக்கள் சூப்பர் ஸ்டார் என அன்போடு அழைக்கிறார்கள். இவர் தமிழ் மட்டுமல்லாமல் உலகம் முழுவதும் பிரபலமானவர். ரஜினி சமீபத்தில் நடித்த படங்கள் பெரிதாக ஓடவில்லை. இதனால் ரஜினி தனது அடுத்த படத்திற்கு கவனம் செலுத்தி வருகிறார். இந்நிலையில் ரஜினியின்169-வது திரைப்படம் குறித்து நேற்று முன்தினம் அதிகாரபூர்வமான தகவல் வெளியாகியது. இத்திரைப்படத்தை நெல்சன் இயக்குகிறார் சன் பிக்சர்ஸ் தயாரிக்கிறது. இத்திரைப்படத்திற்கு அனிருத் ரவிச்சந்தர் இசையமைக்கிறார்.
ரஜினி ஆன்மிக பக்தர் என்பது நாம் அனைவரும் அறிந்த ஒன்று. இவர் பாபாவின் தீவிர பக்தர். இவர் எப்பொழுதும் ருத்ராட்சம் அணிந்து இருப்பார். அருணாச்சலம் படப்பிடிப்பின்போது ரஜினியின் ருத்ராட்சம் காணாமல் போனது. ஆனால் அது அவருக்கு இரவு தான் தெரிந்ததாம். உடனே படப்பிடிப்பு தளத்திற்கு வந்து ரஜினி தேடிக்கொண்டிருந்தாராம். இதனை பார்த்த மற்றவர்களும் தேடினார்களாம். நீண்ட நேர தேடலுக்குப் பிறகு ருத்ராட்சம் கிடைத்துவிட்டதாம். பிறகுதான் ரஜினி நிம்மதியுடன் இருந்தாராம். இந்த தகவல் இப்பொழுதுதான் இணையத்தில் வெளியாகி உள்ளது குறிப்பிடத்தக்கது.