வாக்கு சேகரிக்க சென்றபோது தி.மு.க. மற்றும் அ.தி.மு.கவினர் இடையே நடந்த மோதலில் 3 பேர் மீது வழக்குபதிவு செய்துள்ளனர்.
ராமநாதபுரம் மாவட்டம் பரமக்குடி நகராட்சியில் வருகிற 19ஆம் உள்ளாட்சி தேர்தலை முன்னிட்டு 4-வது வார்டில் தி.மு.க. சார்பில் சர்மிளா ராணி என்பவரும், அ.தி.மு.க. சார்பில் சகுபானு ஜமால் என்பவரும் போட்டியிடுகின்றனர். இந்நிலையில் சம்பவத்தன்று 2 கட்சிகளை சேர்ந்தவர்களும் அப்பகுதியில் வாக்கு சேகரித்து கொண்டிருந்தனர். அப்போது இருதரப்பினர் இடையே வாக்குவாதம் ஏற்பட்ட நிலையில் அதிமுகவினர் திடீரென தாக்குதல் நடத்தியுள்ளனர்.
இந்த தாக்குதலில் தி.மு.க. சார்பில் போட்டியிடும் சர்மிளா ராணியின் தந்தை முகமது சேட்-ஐ (72) தாக்கியதில் அவரின் தலை மற்றும் கண்களில் காயம் ஏற்பட்டுள்ளது. இதனை பார்த்த அங்கிருந்தவர்கள் உடனடியாக அவரை மீட்டு பரமக்குடி அரசு மருத்துவமனைக்கு அழைத்து சென்றுள்ளனர்.
இது குறித்து முகமது சேட் அளித்த புகாரின் அடிப்படையில் காவல்துறையினர் வழக்குப் பதிவு செய்து அதிமுகவை சார்ந்த உமர் பகத் (32) என்பவரை கைது செய்துள்ளனர். இதேபோல் உமர் பகத் அளித்த புகாரின் அடிப்படையில் முகமது சேட் மற்றும் அவரது மகன் பகத்ராஜா ஆகிய இருவர் மீதும் வழக்கு பதிவு செய்து விசாரணை நடத்தி வருகின்றனர். இச்சம்பவம் அப்குதியில் பெரும் பரபரப்பை ஏற்படுத்தியுள்ளது.